მოგესალმებით, 
პირველ რიგში მინდა, გამოვხატო ჩემი პატივისცემა და მადლიერება მოდულის იდეის ავტორების, მასზე მომუშავე გუნდის და ყველა იმ ადამიანის მიმართ, ვინც ეს სასწავლო კურსი მოამზადა და მასში მონაწილეობდა. ყოველ გაკვეთილში იგრძნობა, რამხელა შრომა და ენერგიაა ჩადებული მის შესაქმნელად, რამდენია ნაფიქრი და დიდი მადლობა, ვინაიდან, მე პირადად პირველმა მოდულმა ბევრი საინტერესო ინფორმაცია მომცა და ასევე რაღაც იდეებიც გამიჩინა, რასაც ვფიქრობ, რომ განვახორციელებ ჩემს კოლეგებთან ერთად. :))

რაც შეეხება მეორე მოდულს, დარწმუნებული ვარ, კიდევ უფრო ინფორმაციული და საინტერესო იქნება ჩემთვის, როგორც საკრებულოს წევრისთვის. 

პირველ ვიდეოგაკვეთილში ბატონი კოკა კიღურაძე საკრებულოს წევრის უფლებამოსილების თემაზე საუბრისას აღნიშნავს, რომ საკრებულოს წევრის პასუხისმგებლობაა მისი პოზიცია მუნიციპალიტეტის ბიუჯეტის ანგარიშის შეფასებისას. მე მხოლოდ ჩვენი საკრებულოს მაგალითი მინდა, გაგიზიაროთ. რუსთავის საკრებულოს მოცემულობა ყველასთვის ცნობილია და დეტალებში აღარ შევჩერდები. წლევანდელი პრაქტიკა კი ასეთია, - გასული წლის ბიუჯეტის შესრულების ანგარიში ხუთივე კომისიაზე, რომლებსაც ოპოზიციური პარტიების წარმომადგენლები ხელმძღვანელობენ, შეფასდა უარყოფითად. არც პროცენტულ მონაცემებს არ გაგაცნობთ, ვინაიდან მაღალი ციფრებია, მაგრამ ჩვენი საკრებულოს ოპოზიციური უმრავლესობა აცხადებს, რომ რამდენი პროცენტითაც არ უნდა შესრულდეს ბიუჯეტი, ჩვენგან დადებითი შეფასება არ ექნება. 
ვისურვებდი, რომ დეპუტატი პარტიულ კუთვნილებაზე მაღლა იდგეს და პოლიტიკური რევანშისთვის არ გამოიყენოს დაკავებული თანამდებობა, რაც მის ამომრჩეველსაც აზიანებს.. 
ასეთი მაგალითებით მოდულის განმავლობაში მოგამარაგებთ :))