მოგესალმებით, საინტერესო საკითხი წამოჭერით, ყველა მუნიციპალიტეტის საკრებულოსპრობლემაა ეს. ვფიქრობ , საკანონმდებლო დონეზე უნდა გადაიჭრას  საკითხი და საკრებულოს წევრებს განესაზღვროთ ხელფასი , ისე როგორც  პარლამენტის წევრებისთვისაა განსაზღვრული.

რამდენადაც ვიცი ეს საკითხი მოსაგვარებელია ყველა მუნიციპალიტეტის დონეზე.  როგორც თქვენ ახსენეთ, საკითხს  პრობლემად მიიჩნევენ  სახელმწიფო აუდიტის სამსახური, კერძოდ ისინი წერენ  თავიან დასკვნაში, რომ მუნიციპალიტეტებმა სამოქმედო  წლებში საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯების ასანაზღაურებლად კონკრეტული თანხა გასცეს შესაბამისი დოკუმენტური დადასტურების გარეშე, საბიუჯეტო პროცესის მარეგულირებელი საკანონმდებლო ნორმების შეუსაბამოდ და მუნიციპალიტეტებს აღნიშნულ საკითხზე მათგან მიეცათ რეკომენდაციები, რომ მერიამ საკრებულოსთან შეთანხმებით შეიმუშაოს კონტროლის ისეთი მექანიზმები, რომლებიც გამორიცხავს არათანამდებობის პირებზე უფლებამოსილების განხორციელებასთან დაკავშირებული ხარჯების ანაზღაურებას, შესაბამისი ხარჯის დამადასტურებელი დოკუმენტების წარმოდგენის გარეშე. რომ აღნიშნული უზრუნველყოფს საკრებულოს წევრის არაანაზღაურებადი საქმიანობის შესახებ „ადგილობრივი თვითმმართველობის კოდექსით“ დადგენილი პრინციპის დაცვას და საბიუჯეტო სახსრების დასაბუთებულ ხარჯვას. 

მაგრამ ჯერჯერობით ვერცერთმა მუნიციპალიტეტმა ვერ შეიმუშავა ისეთი დადგენილების პროექტი, რომლითაც მოგვარდებოდა ეს პრობლემა.

თუ იცით თქვენ, ასეთის არსებობის შესახებ, საინტერესო იქნებოდა პროექტის გაცნობა.

ნინო, მოგესალმებით, 
ძალიან მნიშვნელოვანი საკითხია ნამდვილად და რუსთავის პრაქტიკას გეტყვით, - წლების განმავლობაში დადგენილია 560 ლარი უფლებამოსილების ანაზღაურებისთვის, რომელიც სამი კომპონენტისგან შედგებოდა -  

180 ლარი საკრებულოს სხდომებში მონაწილეობის, 

180 - კომისიებზე დასწრების და 

180 მოქალაქეებთან შეხვედრებისთვის (უხეშად გაყოფილია, არითმეტიკას არ გავყვეთ). 

ჩვენი მოწვევის საკრებულოს უმრავლესობამ გადაწყვიტა ცვლილება და აღნიშნული სამი კომპონენტი გაამსხვილა - 2 ნაწილად გაიყო 560 ლარი და არაფერი დოკუმენტური ვალდებულება არ სჭირდება ამ თანხის მიღებას, გარდა იმისა, რომ დეპუტატი წერილობით მიმართავს საკრებულოს, იურიდიული განყოფილება საოქმოს მიერ მიწოდებულ ინფორმაციაზე დაყრდნობით მოამზადებს დადგენილებას და გამოაქვს საკრებულოს სხდომაზე, რასაც ხელის აწევით ვეთანხმებით. 

560 ლარი საიდან დაითვალეს ოდესღაც, მაგაზე პასუხი არ მაქვს, თუმცა ლაპარაკი იყო ამ თანხის გაზრდაზე, ვინაიდან საკრებულოს თანამდებობის პირებს ხელფასები იანვრიდან წელსაც და შარშანაც მოემატათ, ხოლო უფლებამოსილების ანაზღაურება იგივე დარჩა.